Կրթության զարգացման և նորարարությունների ազգային կենտրոն

Մեր գործառույթներն են մշակել մանկավարժական աշխատողների աշխատանքի արդյունավետությունը բարձրացնող ռազմավարություններ, մեթոդներ, գործիքներ և դրանց կիրառման ուղեցույցներ, աջակցել մանկավարժական աշխատողների վերապատրաստումների իրականացման պահանջների և վերապատրաստման ծրագրերի չափանիշների մշակմանը, սովորողների մասնագիտական կողմնորոշման գործընթացներին և ծրագրերին։ Կազմակերպել կրթական գործընթացի մասնակիցների մասնագիտական կարողությունների զարգացման միջոցառումներ, դասագրքերի, ձեռնարկների և այլ ուսումնական նյութերի փորձաքննությունը, աջակցել դասագրքերի ընտրության և փորձարկման գործընթացներին։

logo
Մեր նպատակն է

Խթանել կրթության ոլորտի զարգացումը և արդիականացումը՝ ի նպաստ սովորողների որակյալ կրթության ապահովմանը, առողջության և սոցիալական պաշտպանվածության բարելավմանը, մրցունակ անձի, ակտիվ քաղաքացու ձևավորմանը և կրթական մասնագիտական ներուժի զարգացմանը:

Մեր խնդիրն է

Աջակցել Հայաստանի Հանրապետությունում կրթության ոլորտի բովանդակային, կազմակերպական, կառուցվածքային և միջավայրային կատարելագործման, գիտահետազոտական, մեթոդական և փորձարարական սպասարկման, փորձագիտական երաշխավորման և գնահատման, մասնագետների և ղեկավար կադրերի մասնագիտական զարգացման ապահովմանը։

Մանկավարժական գրականություն

Մանկավարժությունը անընդհատ զարգացող գիտություն։ Մենք հետևում ենք այդ զարգացումներին և մանկավարժական աշխատողներին ենք տրամադրում մեթոդական գրականություն։

Վերապատրաստումներ

Մանկավարժական աշխատողները կարիք ունեն շարունակական վերապատրաստումների։ Մենք ապահովում ենք բոլոր մանկավարժական աշխատողներին առկա և հեռավար վերապատրաստումներին մասնակցելու հնարավորություն։

Կրթական նորարարությունների և հետազոտության վարչություն

Կրթության նորարարությունների և հետազոտությունների վարչությունը հանդիսանում է նոր գիտելիքների կենտրոն հանրակրթության բոլոր դերակատարների համար՝ ապահովելով ռեսուրսների, կապերի և հնարավորությունների հոսք:

Ուսումնական հաստատության զարգացման կառավարման բաժին
    Մշակում է
  • դպրոցի կառավարման մոդելներ,
  • ուսումնական հաստատությունում ուսումնական գործընթացի պլանավորման և իրականացման մեթոդական ուղեցույցներ,
  • ներդպրոցական վերահսկողության ռազմավարություններ,
  • դպրոցի գործունեության իրավական փաստաթղթերի լրամշակման առաջարկություններ,
  • դպրոցի կառուցվածքը, ընթացիկ աշխատանքները նկարագրող մեթոդական ուղեցույցներ:
Կրթական նորարարությունների բաժին
    Ուսումնասիրում է
  • կրթության համաշխարհային զարգացումները և նորարական մոտեցումները, ներդնում ուսումնական հաստատություններում,
  • ուսումնական հաստատություններում իրականացվող նորարարական ծրագրերը, իրականացնում նախագծերի մշտադիտարկում և գնահատում։
    Մշակում է
  • սովորողների մասնագիտական կողմնորոշման գործընթացների մեթոդաբանություն և ծրագրեր,
  • մասնագիտական կրթության և ուսուցման ոլորտի գրավչության բարձրացմանը նպաստող միջոցառումներ։
Կրթության ոլորտի հետազոտությունների բաժին
    Ուսումնասիրում է
  • կրթության համակարգը,
  • կրթության որակի, սովորողների անձնային աճի, արժեհամակարգի ձևավորման և բնականոն զարգացման վրա կրթական ծրագրերի բովանդակության և ծավալի ազդեցությունը,
  • սոցիալ-հոգեբանական և ֆիզիկական միջավայրը։

Կրթության բովանդակության մշակման վարչություն

Կրթության բովանդակության մշակման վարչությունը ուսումնական հաստատությունների ուսուցիչներից և դաստիարակներից մինչև ծնողներ, յուրաքանչյուր երեխայի ներուժը բացահայտելու և սովորելու մղման բանալին է: Մենք աջակցում ենք բոլոր մանկավարժներին սովորեցնելու երեխաներին՝ տրամադրելով լավագույն կրթական ռեսուրսներ, որոնք կօգտագործվեն տանը, դպրոցում և ամենուր:

Չափորոշչի լրամշակման և զարգացման բաժին
    Իրականացնում է
  • ՀՊՉ կարողունակությունների լրամշակում,
  • ՀՊՉ և առարկայական չափորոշիչներում վերջնարդյունքերի լրամշակում,
  • ՀՊՉ հենքային ուսումնական պլանի հիման վրա օրինակելի պլանների նախագծերի մշակում,
  • այլընտրանքային ուսումնական պլանի մշակման մեթոդական ուղեցույցների մշակում:
Ուսումնական բնագավառների մշակման և զարգացման բաժին
    Մշակում է
  • բնագավառի օրինակելի առարկայացանկի ձևավորման մեթոդներ,
  • բնագավառի օրինակելի առարկայացանկի ձևավորման ուղեցույցներ,
  • առարկայի ծրագրի վերջնարդյունքներին առարկայի բովանդակության համապատասխանության գնահատման մեթոդներ,
  • բնագավառի պահանջների կատարումն ապահովող դասավանդման մեթոդներ,
Գնահատման մշակման և զարգացման բաժին
    Մշակում է
  • Գնահատման մեթոդաբանություն և համապատասխան գործիքներ,
  • ոչ ֆորմալ և ինֆորմալ կրթության արդյունքների ճանաչման համակարգի նախագիծ
  • ներքին գնահատման սկզբունքներ և իրականացնում է արդյունքների վերլուծություն:

Վերապատրաստման ծրագրերի մշակման և արդյունավետության գնահատման բաժինը ձգտում է ապահովել բարձր որակի վերապատրաստումների հասանելիությունը բոլոր մանկավարժների համար։

Վերապատրաստման ծրագրերի մշակման և արդյունավետության գնահատման բաժին
    Մշակում է
  • մանկավարժական աշխատողների ուսուցման և ինքնուսուցման մեթոդներ,
  • մանկավարժական աշխատողների ընթացիկ և արտահերթ ատեստավորման վերապատրաստումների ծրագրերի նախագծեր,
  • մանկավարժական աշխատողների մասնագիտական զարգացման դասընթացներ,
  • դպրոցի վարչական աշխատողների վերապատրաստումների ծրագրերի նախագծեր,
  • դպրոցի կառավարման և ղեկավարման հմտությունների զարգացման նպատակով վերապատրաստումների պլաններ,
  • դպրոցի վարչական աշխատողների մասնագիտական զարգացման դասընթացներ: